«Брайтон» ўз майдонида «Ливерпуль» устидан 2:1 ҳисобида ғалаба қозониб, мухлисларини хушнуд этди. Учрашувнинг бош қаҳрамони «чайкалар»нинг тажрибали ҳужумчиси Данни Уэлбек бўлди. У жанубликларнинг ҳар иккала голига муаллифлик қилиб, ҳар бир бўлимда биттадан тўп киритишга муваффақ бўлди.
Эндиликда 35 ёшли Данни Уэлбек ҳисобида жорий Англия чемпионатидаги голлар сони 12 тага етди. Уэлбек Премьер-лигада ўзининг 18-мавсумини ўтказмоқда, бироқ айнан жорий мавсум ҳужумчи учун фаолиятидаги энг сермаҳсул йил бўлмоқда.
Қизиғи шундаки, Уэлбекнинг АПЛда голлар сони бўйича бундан олдинги энг яхши натижаси ўтган мавсумга тўғри келган эди. Ўшанда Данни рақиблар дарвозасига 10 та гол урганди.
Шуни таъкидлаш жоизки, Данни Уэлбек фаолияти давомида жароҳатлардан кўп азият чеккан.
