Англия чемпионати 31-туридан ўрин олган баҳсда «Эвертон» ўз майдонида «Челси»ни қабул қилди. Хилл Дикинсон стадионида ўтган учрашувда майдон эгалари 3:0 ҳисобида йирик ғалабага эришди.
Биринчи бўлимда «Эвертон» фаолроқ ҳаракат қилди ва 33-дақиқада ҳужумчи Бету ҳисобни очди. Шу тариқа, жамоалар танаффусга мезбонлар устунлигида йўл олишди.
Иккинчи бўлимда ҳам ўйин манзараси ўзгармади. 62-дақиқада Бету ўзининг иккинчи голини киритиб, дублни расмийлаштирди. 76-дақиқада эса Илиман Ндиайе учинчи голни уриб, баҳсга нуқта қўйди.
Шу тариқа, «Эвертон» 46 очко билан 7-ўринга кўтарилди. «Челси» эса 48 очко билан 6-поғонада қолмоқда.
Англия — Премьер-лига, 31-тур
21 март 2026 йил. Ливерпуль. Хилл Дикинсон стадиони
«Эвертон» — «Челси» 3:0
Голлар: 1:0 — Бету (33), 2:0 — Бету (62), 3:0 — Илиман Ндиайе (76)













