"Манчестер Сити" бугун, 22 март санасида Англия Лига кубоги финалида "Арсенал"га қарши майдонга тушади.
Тошкент вақти билан 21:30'да старт оладиган беллашув Лондондаги «Уэмбли» стадионида ўтказилади.
Ушбу баҳсда "шаҳарликлар" шарафини ҳимоя қилаётган Абдуқодир Ҳусанов ўзининг Англиядаги дастлабки совринини қўлга киритиши мумкин.
22 ёшли ҳамюртимиз 2025 йил январида 40 миллион евро эвазига "Ланс"дан харид қилинганди. Унинг шартномаси 2029 йил ёзигача мўлжалланган.
Шу вақтгача Ҳусанов инглиз гранди сафида жами 38 та ўйинда 1 та гол урган.
