Германиянинг «Хоффенхайм» клуби вингери Базуман Туре Европанинг топ-клублари ўртасида катта қизиқиш уйғотмоқда. Бу ҳақда инсайдер Экрем Конур хабар бермоқда.
Манбага кўра, 20 ёшли ивуарлик ярим ҳимоячи Мюнхеннинг «Бавария», Лондоннинг «Арсенал» ва «Манчестер Юнайтед» клубларининг қизиқишлар доирасига тушган. Германия томони эса африкалик иқтидорнинг трансферидан тахминан 50-55 миллион евро ишлаб олишни кўзламоқда.
2025/2026 йилги мавсумда Туре 25 та учрашувда майдонга тушиб, ўз ҳисобига 2 та гол ва 10 та голли узатмани ёздириб қўйди. Томонлар ўртасидаги амалдаги меҳнат шартномаси 2029 йилнинг июнь ойи охирида ниҳоясига етади.
