Opta суперкомпьютери Англия Лига кубоги финалида «Арсенал» ва «Манчестер Сити» жамоаларининг ғалаба эҳтимолларини ҳисоблаб чиқди.

Унга кўра, лондонликларнинг асосий вақтда ғалаба қозониш эҳтимоли 51,9%ни ташкил этмоқда. “Шаҳарликлар”нинг имконияти эса 24,8%га баҳоланган. Шунингдек, учрашувнинг дуранг билан якунланиб, қўшимча вақтга ўтиши эҳтимоли 23,3% деб кўрсатилган.

Финал баҳси бугун, 22 март куни бўлиб ўтади. Учрашув "Уэмбли" стадионида ташкил этилади ва Тошкент вақти билан 19:30да старт олади. Бош ҳакам сифатида Питер Бэнкс фаолият олиб боради.

Жорий мавсумда жамоалар Англия чемпионатининг 5-турида ўзаро тўқнаш келиб, ўша баҳс 1:1 ҳисобида дуранг билан якунланганди.

Ўтган мавсумда мусобақа ғолиблигини «Ньюкасл» қўлга киритган. Финалда “қарғалар” «Ливерпуль»ни 2:1 ҳисобида мағлуб этган эди.

Англия — Лига кубоги, финал
Сана: 22 март 2026 йил
Стадион: Уэмбли (Лондон)
«Арсенал» — «Манчестер Сити»
Бошланиш вақти: 21:30
Бош ҳакам: Питер Бэнкс