Лондоннинг «Арсенал» клуби марказий ҳимоячиси Габриэль дос Сантос «Манчестер Сити» ҳужумчиси Эрлинг Холанд билан бўладиган шахсий қарама-қаршилиги ҳақидаги саволга жавоб берди.
Бразилиялик футболчи «шаҳарликлар»нинг норвегиялик ўйинчиси Англия Премьер-лигасидаги энг кучли рақиб эканлигини таъкидлади.
«Холанд — юқори даражадаги футболчи ва, албатта, менимча, унга ҳам менга қарши ўйнаш ёқади. Бу қизиқарли деб ўйлайман. Бу иккаламизга ҳам завқ бағишлайди», — дея Габриэлнинг сўзларидан иқтибос келтирмоқда The Telegraph.
