Юго Экитикенинг жароҳати унчалик жиддий эмаслиги маълум бўлди.
«Ливерпуль» ҳужумчиси АПЛнинг 31-тури доирасидаги «Брайтон»га қарши ўйиннинг (1:2) 8-дақиқасидаёқ алмаштирилган эди — у Жеймс Милнер билан тўқнашувдан сўнг жароҳат олганди.
L’Equipe нашрининг хабар беришича, ушбу жароҳат футболчининг Франция терма жамоасининг яқин кунлардаги йиғинига қўшилишига халақит бермайди. Дидье Дешам шогирдлари 26 март куни Бразилия терма жамоасига қарши ўртоқлик учрашувида майдонга тушса, 29 март куни Колумбия билан куч синашади.













