Норвегиялик ҳужумчи Эрлинг Ҳоланднинг “Манчестер Сити”ни тарк этиши борасидаги миш-мишлар тобора жиддий тус олмоқда. Хабарларга кўра, клуб устози Хосеп Гвардиола жамоани тарк этган тақдирда, норвегиялик ҳужумчи фаолиятида янги саҳифа очиш ҳақида жиддий бош қотириб кўриши мумкин.

Бироқ журналист Рамон Алвареснинг таъкидлашича, хоҳишнинг ўзи етарли бўлмаслиги мумкин. Айни дамда Европанинг ҳеч бир клуби норвегиялик форвардни сотиб олишга молиявий жиҳатдан қодир эмас. Хусусан, таркибида Винисиус Жуниор ва Килиан Мбаппе каби ўйинчилар бўлган Мадриднинг “Реал” клуби учун Ҳоланднинг маош борасидаги талабларини қондириш ўта мушкул вазифа ҳисобланади. Яна бир потенциал даъвогар — “Барселона” эса бундай йирик трансфер суммасини тўлай олиши даргумон. Шу боис Эрлинг яқин йиллар ичида “Манчестер Сити”ни тарк этмаслиги мумкин.

Маълумот учун, жорий мавсум 25 ёшли футболчи “Манчестер Сити” либосида жами 42 та учрашувда иштирок этиб, ўз ҳисобига 30 та гол ва 7 та голли узатмани ёздириб қўйган. Унинг клуб билан шартномаси 2034 йилга қадар амал қилади. Transfermarkt портали ҳужумчининг қийматини 200 миллион еврога баҳоламоқда.