«Тоттенхэм»нинг АПЛдаги ғалабасиз серияси 13 та ўйинга етди.
Бугун лондонликлар 31-тур доирасида ўз майдонларида «Ноттингем Форест»га йирик — 0:3 ҳисобида имкониятни бой беришди.
Жамоанинг охирги ғалабаси 28 декабрь куни «Кристал Пэлас» (1:0) устидан қозонилган эди. Ўшандан бери «шпорлар» 8 та мағлубият ва 5 та дуранг қайд этишди. Жамоа ҳозирда 17-ўринда бормоқда ва хавфли ҳудуддан (қуйи лигага тушиб кетиш зонаси) атиги бир очко олдинда.
Игор Тудор бошқарувидаги еттита ўйинда «Тоттенхэм» 5 бор мағлуб бўлди, бир мартадан ғалаба ва дурангга эришди.
12 апрель куни лондонликлар АПЛ доирасида сафарда «Сандерленд»га қарши баҳс олиб боришади.
