Пеп Гвардиола мураббийлик фаолиятидаги 40-совринини қўлга киритди. Испониялик мутахассис қўл остидаги «Манчестер Сити» Англия лига кубоги финалида «Арсенал»ни мағлуб этиб (2:0), бош совринга эга чиқди.

Гвардиола бундай натижага эришган тарихдаги иккинчи мураббийга айланди. Биринчи кўрсаткич «Манчестер Юнайтед» ва «Абердин» клублари билан жами 49 та соврин ютган шотландиялик Алекс Фергюсонга тегишли.

Пеп ўз фаолияти давомида «Барселона» (14 та соврин), «Бавария» (7) ва «Манчестер Сити» (19) клубларида ишлади.

• «Барселона» билан: 3 марта Ла Лига, 2 марта Испания кубоги, 3 марта Испания Суперкубоги, 2 марта Чемпионлар лигаси, 2 марта Европа Суперкубоги ва 2 марта клублар ўртасидаги жаҳон чемпионати ғолиби.

• «Бавария» билан: 3 марта Бундеслига, 2 марта Германия кубоги, 1 марта Европа Суперкубоги ва 1 марта клублар ўртасидаги жаҳон чемпионати ғолиби.

• «Манчестер Сити» билан: 6 марта Англия чемпиони, 5 марта Лига кубоги, 3 марта Англия Суперкубоги, 2 марта Англия кубоги, шунингдек, Чемпионлар лигаси, Европа Суперкубоги ва клублар ўртасидаги жаҳон чемпионати ғолиби.