«Интер Майами» ва Аргентина миллий терма жамоаси ҳужумчиси Лионель Месси афсонавий футболчи Пеленинг рекордини янгилади.

Месси MLS чемпионати доирасида «Нью-Йорк Сити»га қарши ўйинда (3:2) жаримадан тўғридан-тўғри зарба орқали гол урди. Бу гол аргентиналик ҳужумчининг фаолиятидаги жаримадан киритилган 71-голи бўлди. Пеле эса ўз вақтида бундай 70 та гол урган.

Ушбу кўрсаткич бўйича ҳали ҳам етакчи — Жуниньо Пернамбукано бўлиб, у жаримадан 77 марта гол киритган. Рўйхатда учинчи ўринни «Ан-Наср» ва Португалия терма жамоаси ҳужумчиси Криштиану Роналду эгаллаб турибди — 64 та гол.

Жорий мавсумда Лионель Месси «Интер Майами» сафида 6 та ўйинда иштирок этиб, 5 та гол урди.