"Барселона" якшанба куни бўлиб ўтган Ла Лига ўйинида "Райо Вальекано"ни қийинчилик билан мағлуб этди (1:0).
Роналд Араухонинг 24-дақиқада урган голи "Барса"нинг кичик ҳисобдаги ғалабасини таъминлади. Меҳмонлар кўплаб имкониятлар яратдилар ва ҳисобни тенглаштиришлари мумкин эди, аммо Жоан Гарсия ишончли ўйин намойиш қилди.
Финал ҳуштагидан сўнг, "Барселона" бош мураббийи Ханс-Дитер Флик "Райо Вальекано" бош мураббийи Иньиго Пересни мақтади.
"Мен Иньигони табрикламоқчиман - у ажойиб иш қиляпти. Унинг жамоаси жуда интенсив ўйнайди, дадил прессинг қилади ва ажойиб футбол кўрсатади.
Биз ажойиб рақибга дуч келдик", - дея Фликнинг сўзларини келтиради Barca Universal.
