Яқин вақт ичида «Севилья» жамоа бош мураббийи Матиас Альмейдани истеъфога чиқаради. Клуб раҳбариятини жамоа қайд этаётган натижалар қониқтирмаяпти.

29 турдан сўнг андалусияликлар 31 очко билан турнир жадвалида 15-ўринни эгаллаб турибди.

Инсайдер Фабрицио Романонинг маълумотига кўра, клуб раҳбарлари «Валенсия»дан қабул қилинган мағлубиятдан (0:2) сўнг мутахассис билан хайрлашиш борасида якуний қарорга келишган.

Терма жамоалар ўйинлари сабабли юзага келган танаффусдан сўнг, «Севилья» 5 апрель куни сафарда «Овьедо» билан тўқнаш келади. Учрашув Тошкент вақти билан соат 21:30 да бошланади.

Жамоанинг барча турнирлардаги ғалабасиз серияси тўртта ўйинга етди — «Севилья» икки бор дуранг ўйнади ва икки марта мағлубиятга учради.