«Арсенал» бош мураббийи Микель Артета Англия лига кубоги финалида «Манчестер Сити»дан учралган мағлубиятдан (0:2) сўнг, жамоа ушбу тушкунликни қандай енгиб ўтиши ҳақида гапириб берди.

«Вазиятга умумий нуқтаи назардан қараш муҳим — охирги саккиз ой ичида биз ақл бовар қилмайдиган ютуқларга эришдик. Энди ичимиздаги алангадан мавсумнинг қолган икки ойини энг юқори даражада ўтказиш учун фойдаланишимиз керак. Бу бизнинг масъулиятимиз. Ушбу энергияни тўғри йўналтиришимиз лозим. Оғриқ ва мағлубият алами — футболнинг бир қисми, биз бу босқични енгиб ўтишимиз шарт», — дея таъкидлади Артета матбуот анжуманида.