Хорватиялик ҳужумчи Стипе Перицанинг «Нефтчи»даги старти ажойиб бошланди.
Легионер ҳужумчи Суперлиганинг 2-турида «Сурхон»га қарши ўйинда дубль муаллифига айланди. Шу тариқа, форвард дубль қайд этган «Нефтчи» тарихидаги 50-футболчига айланди.
Бу борада рекорд клуб афсонаси Анвар Бердиевга тегишли бўлиб, у 31 маротаба дублга эришган. Мустақил Ўзбекистон чемпионатлари тарихидаги жамоанинг илк дубли Евгений Матвеевга тегишли.
1992 йилдан 2025 йилга қадар фарғоналиклар футболчилари 200 та дубль қайд этишган, бу 49 нафар футболчи иштирокида юз берган эди.
