Мадриднинг «Реал» клуби ва Франция терма жамоаси ҳужумчиси Килиан Мбаппе 2026 йилги жаҳон чемпионати олдидан зич ўйин тақвими ҳақида ўз фикрларини билдирди.

«Ҳеч қандай муаммо йўқ. Одамлар жаҳон чемпионати ҳақида гапираётганини кўрдим. Мен икки марта жаҳон чемпионатида иштирок этганман: бирида ғалаба қозондим, иккинчисида финалгача етиб бордим. Мен қандай тайёргарлик кўрганман? Клубим сафида ҳар бир ўйинда майдонга тушганман.

Мен аниқ биламан — «Реал» сафида ҳар бир учрашувда ўйнашни истайман. Тайёргарликка бўлган ёндашувимни ўзгартирмоқчи эмасман. Мен: “Яхшиси уйга кетиб, дам оламан”, деб айтишим мумкин эди, аммо бу гап — бемаъни. Охирги икки жаҳон чемпионатига мен энг яхши тарзда тайёрланганман: ўйнаганман, голлар урганман, совринлар қўлга киритганман ва клубим учун сўнгги дақиқагача курашганман. Бу йил ҳам худди шундай йўл тутаман, турнирга энг яхши ҳолатда етиб бориш учун. Мен яна ғалаба қозонишни истайман», — деди Мбаппе.