Мадриднинг «Реал» клуби собиқ футболчиси Мичел Гонсалес «қаймоқранглилар»нинг уругвайлик ярим ҳимоячиси Федерико Вальверде ҳақидаги фикрлари билан ўртоқлашди.

«Феде «Реал» афсонасига айланиш сари бормоқда. Уни жамоанинг бошқа футболчилари билан солиштириб бўлмайди. Бу адолатсизлик бўларди. Вальверде ташқи кўринишидан суперюлдузга ўхшамаслиги мумкин, лекин у аллақачон шундай мақомга эга», — дея Гонсалеснинг сўзларини келтиради Marca газетаси.

Испания Ла Лигасининг жорий мавсумида 27 ёшли уругвайлик футболчи 28 та учрашувда майдонга тушди. Вальверде ўз ҳисобига тўртта гол ва еттита голли узатмани ёздириб қўйишга муваффақ бўлди.