«Милан» клуби «Барселона» футболчисини сотиб олмоқчи. Бу ҳақда таниқли инсайдерлар Маттео Моретто ва Фабрицио Романо хабар бермоқда.
Манбаларнинг берган маълумотларига кўра, гап каталонияликларнинг чап қанот ҳимоячиси Жерар Мартин ҳақида кетмоқда. «Милан» ушбу футболчининг хизматларига жиддий қизиқиш билдирган.
Жорий мавсумда Жерар Мартин «Барселона» сафида 41 та учрашувда майдонга тушди. Ушбу ўйинларда ҳимоячи ўз ҳисобига битта голли узатмани ёздириб қўйишга муваффақ бўлди.













