«Барселона» клуби «Атлетико» ҳужумчиси Хулиан Альваресни Роберт Левандовскига идеал ўринбосар сифатида кўрмоқда. Бу ҳақда Diario SPORT нашри хабар бермоқда.

Бироқ, каталонияликлар лагерида футболчининг жорий мавсумдаги маҳсулдорлиги унчалик юқори эмаслигидан бироз хавотир борлиги айтилмоқда. Шунга қарамай, аргентиналик ҳужумчи ҳамон «Барселона» учун асосий вариант бўлиб қолмоқда. Шу билан бирга, «кўк-анорранглилар» Альварес учун 70 миллион евродан ортиқ тўлашга тайёр эмаслиги таъкидланган.

Жорий мавсумда 26 ёшли ҳужумчи барча мусобақаларда 44 та ўйинда иштирок этиб, 17 та гол урди ва тўққизта голли узатмани амалга оширди.