Ҳакамлар техник қўмитаси (CTA) Ла Лига 29-туридан ўрин олган «Реал» – «Атлетико» (3:2) учрашувидаги Маркос Льоренте ва Даниэль Карвахаль иштирокидаги вазиятни кўриб чиқмайди.

Ўйиннинг 10-дақиқасида «Атлетико» футболчиси дарвозага зарба бериб бўлган вазиятда, Карвахаль «Реал» жарима майдончаси ичида "подкат" билан Льорентени йиқитган эди. Бош ҳакам Хосе Мунуэра Монтеро ушбу вазиятда қоида бузилишини қайд этмаган.

Журналист Исаак Фоутонинг маълумотига кўра, CTA Федерико Вальверденинг Алекс Баэнага қарши ишлатган фоли учун четлатилиши билан боғлиқ вазиятни ўрганиб чиқади ва ўз хулосаларини ошкор қилади, бироқ Карвахаль ва Льоренте тўқнашувини кўриб чиқмайди. «Атлетико» раҳбарияти бундай ёндашувдан норози.