Хабарларга кўра, «Интер» ҳужумчиси Лаутаро Мартинес халқаро танаффус вақтида жароҳатидан тикланиш учун яхши имкониятга эга ва келаси ой А Серия баҳслари тикланганида «Рома»га қарши ўйинда майдонга қайтиши мумкин.

Аргентиналик тўпурар ўтган ойда болдир мушагидаги жароҳат сабабли сафдан чиққан эди. У 5 апрель куни «Рома»га қарши бўлиб ўтадиган муҳим баҳсда иштирок этишга ҳаракат қилмоқда.

Мартинеснинг йўқлиги «Интер»нинг сўнгги ўйинлардаги натижаларига салбий таъсир кўрсатди. Мавсумнинг энг ҳал қилувчи палласида жамоа очко йўқотишни бошлади.

Бироқ, Мартинеснинг қайтиши «Интер»га янги куч бағишлаши мумкин.

28 ёшли ҳужумчи жорий мавсумда барча мусобақаларда жами 18 та гол урди ва 4 та голли узатмани амалга оширди.