Январь ойида, Испания Суперкубоги финалида «Барселона»дан учралган мағлубиятдан сўнг, «Реал» бош мураббийни алмаштиришга қарор қилди: Хаби Алонсо истеъфога чиқарилди, Альваро Арбелоа эса тайинланди. The Touchline нашрининг хабар беришича, жамоа ичидаги муҳит ўзгаргани сезилмоқда. Бир нечта футболчилар исми сир қолиши шарти билан Арбелоа келгач, вазият анча эркин ва табиийлашганини айтишди.

Алонсо даврида «Реал»нинг ҳамма футболчилари ҳам мамнун эмасди, чунки Хабининг ўйин модели ҳаддан ташқари қатъий тузилмага (структурага) эга эди. Мураббий кетганидан сўнг кўплаб ўйинчилар елкаларидан тоғ ағдарилгандек енгилликни ҳис қилишди.

Ҳозирда «Реал» Ла Лига турнир жадвалида иккинчи ўринни эгаллаб турибди. «Барселона» эса улардан тўрт очко кўпроқ жамғарган.