«Манчестер Юнайтед» жамоани тарк этаётган Каземиронинг ўрнига янги ярим ҳимоячи сотиб олади. Бразилиялик футболчининг амалдаги шартномаси шу ёзда ниҳоясига етади ва агар кутилмаган ҳолат юз бермаса, келишув узайтирилмайди.

Журналистлар Крис Уилер ва Нэйтан Солтнинг маълумотларига кўра, «қизил иблислар» тажрибали хавбек ўрнини босиши мумкин бўлган учта асосий номзодни танлаб бўлишган. Булар: 22 ёшли Адам Уортон («Кристал Пэлас»), 23 ёшли Эллиот Андерсон («Ноттингем Форест») ва 25 ёшли Сандро Тонали («Ньюкасл»).

Transfermarkt портали иккала инглиз футболчисининг нархини 60 миллион еврога баҳоламоқда, италиялик Тоналининг баҳоси эса ушбу сайтда 80 миллион еврони ташкил этади.