Лондоннинг «Тоттенхэм» клубининг 20 ёшли ярим ҳимоячиси Арчи Грэй, агар «шпорлар» жорий мавсум якунларига кўра Чемпионшипга тушиб кетса, жамоани тарк этади. Бу ҳақда журналист Экрем Конур хабар бермоқда.
Манбанинг таъкидлашича, жамоа қуйи лигага тушиб кетган тақдирда, Грэйнинг «Астон Вилла»га трансфер қилиниши деярли аниқ. Бироқ вазиятни «Манчестер Юнайтед» ва «Челси» ҳам синчиклаб кузатиб бормоқда. Эҳтимолий келишув суммаси 51–63 млн еврони ташкил этиши мумкин.
«Тоттенхэм» Грэйни 2024 йилда «Лидс»дан 41 млн евро эвазига сотиб олган эди. Ушбу мавсумда ярим ҳимоячи барча мусобақаларда жами 32 та ўйинда майдонга тушиб, ўз ҳисобига 2 та гол ва 3 та голли узатмани ёздириб қўйди.
