«Тоттенхэм» клуби яқин орада расман истеъфога чиқарилиши кутилаётган Игор Тудор ўрнига номзод қидириш ишларини бошлади.
Хорватиялик мутахассис мавсум якунига қадар бош мураббий вазифасини бажарувчи этиб тайинланган эди, бироқ муваффақиятсиз натижалар туфайли у ҳатто белгиланган муддатгача ҳам ишлай олмаслиги мумкин.
Инсайдер Фабрицио Романонинг маълумотларига кўра, «шпорлар» раҳбарияти энг мақбул ечимни топиш умидида вазиятни синчиклаб ўрганишда давом этмоқда. Ҳозирча асосий номзод сифатида Роберто де Дзерби кўрилмоқда, бироқ италиялик мутахассис ишга фақат ёзда кириши мумкин. Шунингдек, муқобил вариант сифатида айни дамда «Фулхэм»да фаолият юритаётган Марку Силва номзоди ҳам муҳокама қилинмоқда.
Португалиялик мутахассис 2021 йилдан бери «дала ҳовли эгалари» устози лавозимида ишлаб келмоқда ва унинг амалдаги шартномаси жорий мавсум якунида ниҳоясига етади.
