«Реал» ҳимоячиси Антонио Рюдигер Англияга қайтиши мумкин.
Италиянинг Tuttosport нашри берган маълумотларга кўра, «Манчестер Юнайтед» ва «Ливерпуль» клублари германиялик футболчига қизиқиш билдирмоқда.
2022 йил ёзида «Челси»дан эркин агент сифатида ўтганидан бери Рюдигер «Реал» таркибида 174 та расмий учрашувда майдонга тушди. Бироқ тез орада у яна эркин агентга айланиши мумкин, чунки унинг мадридликлар билан шартномаси шу ёзда ниҳоясига етади.
Жорий мавсумда ҳимоячи Испания чемпионатида 12 та ўйинда иштирок этиб, 1 та гол муаллифига айланди.
