«Барселона» дарвозабони Жоан Гарсия 10 май куни Ла Лиганинг 35-тури доирасида Мадриднинг «Реал» клубига қарши бўлиб ўтадиган баҳс Испания Примерасидаги чемпионлик пойгаси учун ҳал қилувчи аҳамиятга эга бўлиши ҳақидаги саволга жавоб берди.
— Қандай ўйлайсиз, жорий мавсум Ла Лига тақдири худди ўтган мавсумдагидек «Камп Ноу»да «Реал»га қарши кечадиган «Эл-Класико»да ҳал бўладими?
— Билмадим, мавсум якунигача ҳали анча бор. Май ойида Барселонада ўтадиган «Эл-Класико»гача ҳали бир нечта ҳал қилувчи ўйинларни ўтказишимиз керак. Аммо шуниси ҳақиқатни, ушбу ўйин ғолиби катта устунликка эга бўлади. Бироқ ҳозир энг муҳими — «Барса»нинг тақдири ўз қўлида. Биз бор эътиборимизни сақлаб қолишимиз ва мавжуд устунликни қўлдан чиқармаслигимиз керак, — дея Гарсиянинг сўзларини келтиради AS нашри.
