«Barselona» darvozaboni Joan Garsiya 10 may kuni La Liganing 35-turi doirasida Madridning «Real» klubiga qarshi bo‘lib o‘tadigan bahs Ispaniya Primerasidagi chempionlik poygasi uchun hal qiluvchi ahamiyatga ega bo‘lishi haqidagi savolga javob berdi.

— Qanday o‘ylaysiz, joriy mavsum La Liga taqdiri xuddi o‘tgan mavsumdagidek «Kamp Nou»da «Real»ga qarshi kechadigan «El-Klasiko»da hal bo‘ladimi?

— Bilmadim, mavsum yakunigacha hali ancha bor. May oyida Barselonada o‘tadigan «El-Klasiko»gacha hali bir nechta hal qiluvchi o‘yinlarni o‘tkazishimiz kerak. Ammo shunisi haqiqatni, ushbu o‘yin g‘olibi katta ustunlikka ega bo‘ladi. Biroq hozir eng muhimi — «Barsa»ning taqdiri o‘z qo‘lida. Biz bor e’tiborimizni saqlab qolishimiz va mavjud ustunlikni qo‘ldan chiqarmasligimiz kerak, — deya Garsiyaning so‘zlarini keltiradi AS nashri.