«Манчестер Юнайтед» ҳимоячиси Харри Магуайр фаолиятини Италияда давом эттириши мумкин.

Tuttosport нашрининг хабарига кўра, Туриннинг «Ювентус» клуби инглиз футболчисини ўз сафига қўшиб олишга қизиқиш билдирмоқда. «Юве» шу ёзда ҳимоя чизиғини кучайтиришни мақсад қилган. Футболчининг «қизил иблислар» таркибидаги келажаги ҳамон сўроқ остида қолмоқда. Агар Магуайр «МЮ» билан шартномасини узайтирмаса ва эркин агентга айланса, «Ювентус» уни ёзда текинга қўлга киритишга тайёр бўлади.

Харри Магуайр 2019 йилда «Лестер»дан «Манчестер Юнайтед»га 87 миллион евро эвазига ўтган эди. Жорий мавсумда ҳимоячи «қизил иблислар» сафида барча турнирларда 20 та ўйинда майдонга тушиб, 2 та гол урди ва битта голли узатмани амалга оширди.