«Барселона» ҳимоячиси Жюль Кунде ўзининг энг севимли жамоадоши ким эканини айтди.

«Педри — менинг энг севимли футболчим. У мутлақо гениал. Ростини айтсам, у бошқалардан мутлақо бошқа даражада ўйнайдиган футболчилардан. Бу ҳатто машғулотларда ҳам, умуман барча жиҳатларда сезилади. Гап унинг туғма техникасида: у ўнг ва чап оёғи билан бирдек юқори даражада ўйнай олади, исталган томонга бурилиши мумкин, майдонни кўриши эса ажойиб.

Яна бир жиҳат борки, у анча кам баҳоланади ва менимча, етарлича эътибор берилмайди: бу унинг ҳимоядаги ўйини. Педри — доим ҳаракатда бўладиган ва тўпни қайтариб оладиган футболчи. Ўтган йили у Европада энг кўп тўпни қайта эгаллаб олган ўйинчига айланди. У ҳар бир ўйинда тахминан 12 километр югуради ва шу билан бирга тўпни олиб қўйиши, жамоани олдинга ундаши, узатмалар бериш ва рақиб ҳимоя чизиқларини ёриб ўтиши керак. У мутлақо гениал», — деди Кунде Cadena SER нашрига берган интервьюсида.