Миланнинг «Интер» клуби етакчиси ва сардори, аргентиналик ҳужумчи Лаутаро Мартинес ушбу мавсумда яна жамоасига ёрдам бера олишидан умид қилмоқда. Мартинес февраль ойининг ўрталарида жароҳат олган эди ва ўшандан бери майдонга туша олмаяпти. Унинг йўқлиги «Интер»нинг натижаларига салбий таъсир кўрсатди — жамоа Чемпионлар лигасини тарк этди ва ички чемпионатда ҳам унчалик ишончли ўйин кўрсата олмаяпти.
Мартинеснинг апрель ойидаёқ сафга қайтиши истисно этилмаяпти — ҳар ҳолда, calcionapoli1926.it сайти шунга шаъма қилмоқда. Бироқ «Интер» раҳбарияти ҳозирча эҳтиёткорликни сақлаб, футболчининг мавсум якунига қадар майдонга қайтиши ҳақида гапириш билан чекланмоқда.
Эслатиб ўтамиз, Мартинес 2018 йилдан буён Милан клуби шарафини ҳимоя қилиб келмоқда.
