Milanning «Inter» klubi yetakchisi va sardori, argentinalik hujumchi Lautaro Martines ushbu mavsumda yana jamoasiga yordam bera olishidan umid qilmoqda. Martines fevral oyining o‘rtalarida jarohat olgan edi va o‘shandan beri maydonga tusha olmayapti. Uning yo‘qligi «Inter»ning natijalariga salbiy ta’sir ko‘rsatdi — jamoa Chempionlar ligasini tark etdi va ichki chempionatda ham unchalik ishonchli o‘yin ko‘rsata olmayapti.

Martinesning aprel oyidayoq safga qaytishi istisno etilmayapti — har holda, calcionapoli1926.it sayti shunga sha’ma qilmoqda. Biroq «Inter» rahbariyati hozircha ehtiyotkorlikni saqlab, futbolchining mavsum yakuniga qadar maydonga qaytishi haqida gapirish bilan cheklanmoqda.

Eslatib o‘tamiz, Martines 2018 yildan buyon Milan klubi sharafini himoya qilib kelmoqda.