«Челси»нинг собиқ футболчиси Густаво Пойет нима учун Лиам Росеньор «кўклар»ни бошқариш таклифини қабул қилгани ҳақида гапириб берди.

«Менимча, Лиам бу ишга рози бўлишга мажбур эди, чунки бу кутилмаган таклиф бўлди — бундай вазиятда рози бўлиш керак, "йўқ" деб бўлмасди. Одамлар: "Балки у яна бир неча йил кутиши керакмиди", дейишлари мумкин. Аммо йўқ, қачонки "Челси" сенга мурожаат қилса, рози бўлишинг шарт. Лекин бундай қийин вазифани қандай уддалаш мумкин? Ҳозир, кетма-кет тўртта ўйинда мағлуб бўлгач, унда муаммолар юзага келди. Лиам учун мураккаб вазият», — дея Пойетнинг сўзларини келтиради Football London.

Лиам Росениор шу йилнинг январь ойида Энцо Мареска ўрнини эгаллаб, «Челси» бош мураббийига айланган эди. Айни дамда Лондон клуби Англия чемпионати турнир жадвалида 6-ўринни эгаллаб турибди.