Мадриднинг «Реал» клуби Винисиус Жуниорнинг меҳнатсеварлигидан ҳайратда. Бразилиялик футболчи, худди «қаймоқранглилар»нинг бошқа ҳужумкор юлдузлари каби, илгари тўпсиз ҳаракат қилишда етарлича ғайрат кўрсатмасликда тез-тез айбланар эди. Бироқ сўнгги пайтларда вазият ўзгарди: жамоа мураббийлар штаби футболчининг меҳнатсеварлигидан мамнун.

Винисиуснинг бу борадаги ўсишини югуриш ҳажмини ўлчайдиган махсус маълумотлар ҳам тасдиқламоқда. «Реал»да 25 ёшли футболчининг кўрсаткичларига юқори баҳо берилмоқда ва у энди «жуда кўп югураётганини» таъкидлашмоқда.

Жорий мавсумда Винисиус Жуниор 43 та учрашувда майдонга тушиб, ўз ҳисобига 17 та гол ва 13 та голли узатмани ёздириб қўйди.