«Ливерпуль» клуби жамоа бош мураббийи Арне Слотнинг келажаги борасида бир қарорга келди. The Touchline нашрининг журналист Дэвид Орнштейнга таяниб хабар беришича, мерсисайдликлар Слотга ишонишда давом этмоқда ва у билан хайрлашиш ниятида эмас. «Қизиллар» ёзда нидерландиялик мутахассисга муваффақиятларга эришиши учун унинг талабларига жавоб берадиган таркибни тақдим этмоқчи.
31 турдан сўнг «Ливерпуль» Англия чемпионати турнир жадвалида бешинчи ўринни эгаллаб турибди. Арне Слот шогирдлари тўртинчи ўриндаги «Астон Вилла»дан беш очко ортда қолмоқда.
«Ливерпуль» навбатдаги ўйинини 4 апрель куни Англия кубоги 1/4 финали доирасида сафарда «Манчестер Сити»га қарши ўтказади.
