"Ливерпуль" ҳимоячиси Даниэль Аггер клубдан ҳеч қаёққа кетиш ҳақида ўйламаётгани, жумладан "Барселона"га ўтмаслиги ҳақида гапириб ўтди.
"Барселона" - бу таниқли жамоа, лекин мен ҳеч қачон "Ливерпуль"дан кетиш ҳақида ўйламаганман. Албатта, клубнинг ўзи мени сотишни истамаса.
Ўйинчилар, мутасаддилар, "Ливерпуль"нинг ўзи - ҳаётимнинг ажралмас қисми. Менда ҳатто YNWA татуировкаси бор". ("You will never walk alone" - "Сен ҳеч қачон ёлғиз эмассан", "Ливерпуль" шиори.)
Очиғини айтганда, ҳатто жамоамиз мавсум якунлари бўйича кучли тўртликка кирмаса ҳам, бу мен учун унчалик муҳим эмас. Мен учун клуб бу - бир оиладек гап. Уни яхши кўраман", деди Аггер.
Эслатиб ўтамиз, аввалроқ "Ливерпуль" Дания терма жамоасининг 28 ёшли аъзосини Каталония клубига 17 миллион еврога сотишга рози бўлмаганди.