Мадриднинг «Реал» клуби ҳимоячиси Антонио Рюдигер Мюнхеннинг «Бавария» жамоасини Европанинг энг яхши жамоаси деб атади.
Чемпионлар лигаси қуръаси жамоаларни аллақачон чорак финалдаёқ ўзаро тўқнаш келтирди. Рюдигернинг фикрича, мадридликларга энг ёмон икки вариантдан бири насиб қилган.
«Биз «Реал»да барчамиз мутлақо барқарор ва жаҳон даражасидаги жамоа билан тўқнаш келишимизни тушуниб турибмиз. Ҳозирги вақтда улар «Арсенал» билан бир қаторда Европадаги энг барқарор ва энг яхши жамоа ҳисобланади», — дея футболчининг сўзларини келтиради Kicker нашри.
Биринчи учрашув 7 апрель куни «Сантьяго Бернабеу» стадионида бўлиб ўтади. Ўйин Тошкент вақти билан 00:00 бошланади. Эслатиб ўтамиз, 1/8 финалда «Бавария» икки ўйин натижасига кўра «Аталанта»ни тор-мор этган бўлса, «Реал» «Манчестер Сити»ни мусобақадан чиқариб юборган эди.
