Франция терма жамоаси ҳужумчиси Килиан Мбаппе Бразилия устидан қозонилган ғалаба ҳақида ўз фикрлари билан ўртоқлашди. Ушбу ўртоқлик учрашуви 2:1 ҳисобида францияликлар фойдасига ҳал бўлди ва Мбаппе голлардан бирига муаллифлик қилди.
«Бу биз учун шунчаки ўртоқлик учрашуви эмас эди. Ўз кучимизни синаб кўриш учун ажойиб имконият бўлди. Ғалаба қозондик, аммо ҳозирча бу ўйиндан қандайдир хулосалар чиқаришга эрта. Бу Жаҳон чемпионати финали эмас», — дея Мбаппенинг сўзларини келтиради Madrid Zone.
Франция терма жамоаси навбатдаги ўртоқлик учрашувини якшанба куни, 29 мартда Колумбия миллий жамоасига қарши ўтказади. Ўйин пойтахт вақти билан соат 22:00 да бошланиши режалаштирилган.
