«Бавария» дарвоза чизиғи учун трансфер режаларини белгилаб олди.

Журналист Кристиан Фалькнинг маълумотларига кўра, агар Мануэль Нойер жорий мавсум якунида фаолиятини якунлашга қарор қилса, Мюнхен клуби «Хоффенхайм»нинг 35 ёшли посбони Оливер Бауман вариантини кўриб чиқади. Режага кўра, Йонас Урбиг «Бавария»нинг асосий дарвозабонига айланади, Бауман эса иккинчи рақамли посбон вазифасини бажаради. Ҳозирча тажрибали дарвозабоннинг бундай ролга рози бўлиш-бўлмаслиги номаълум.

Оливер Бауман 2014 йилда «Фрайбург»дан «Хоффенхайм»га 5 миллион евро эвазига ўтган эди. Унинг амалдаги шартномаси 2028 йилнинг 30 июнига қадар мўлжалланган. Жорий мавсумда дарвозабон 29 та ўйинда майдонга тушиб, ўз дарвозасидан 41 та тўп олиб чиқди ва 7 та учрашувда дарвозаси дахлсизлигини сақлаб қолди.