«Ливерпуль» ҳимоячиси Жованни Леони Италияга қайтиши мумкин.

Corriere dello Sport нашри берган маълумотларга кўра, «Интер» ёш футболчини ўз сафига қўшиб олиш вариантини яна кўриб чиқмоқда. Милан клуби ўтган ёздаёқ ушбу трансферни амалга оширмоқчи эди, бироқ Леони фаолиятини «Ливерпуль»да давом эттиришни танлаган. Эндиликда «нерадзуррилар» ҳимоячини «қизиллар»дан ижарага олмоқчи.

Эслатиб ўтамиз, ўтган йилнинг сентябрь ойида Леони олдинги крестсимон бойламларидан жароҳат олиб, операция қилинган эди. Ҳимоячи «Ливерпуль» сафида фақатгина Лига Кубоги доирасидаги битта ўйинда майдонга тушишга улгурди. Унинг майдонга қайтиши шу йилнинг сентябрь ойига кутилмоқда. «Ливерпуль» Леони трансфери учун «Парма»га 31 миллион евро тўлаган эди.