«Барселона»нинг собиқ юлдузи Ромарио «Реал» вингери Винисиус Жуниор ва каталонияликларнинг ёш истеъдоди Ламин Ямал ўртасида танлов қилди.

«Винисиус ва Ламин ўртасида мен Ламинни танлаган бўлардим. Менга Ямал жуда ёқади. У дунёдаги янги авлод ёш футболчилари ичида энг иқтидорлиларидан бири. Унинг фаолияти ажойиб кечишига ишончим комил.

Биринчи навбатда, у кучли клубда ўйнаяпти. Жамоадошлари уни жуда ҳурмат қилишади ва у ўйин тақдирини ўзгартира олишини билишади. Ламиннинг техникаси ажойиб, бундан ташқари, у гол уришни ҳам билади», — деди Ромарио Икер Касильяс билан суҳбатда.