«Наполи» Ромелу Лукаку билан боғлиқ вазият бўйича ўз позициясини қатъийлаштирди: ҳужумчи тез орада Неаполга қайтиши керак, акс ҳолда у асосий таркибдан четлатилади. Бу ҳақда Sky Sport хабар бермоқда.
Лукаку жисмоний ҳолати идеал даражада эмаслиги сабабли Бельгия терма жамоаси ихтиёрини тарк этган эди. Бироқ, клуб ихтиёрига қайтиш ўрнига, футболчи ўз мамлакатида қолишга ва тикланиш жараёнини ўша ерда якунлашга қарор қилган.
Унинг тикланиш дастури «Наполи» томонидан маъқулланмаган. Клуб раҳбарияти форварднинг Неаполга қайтиб, тиббий ва мураббийлар штаби назорати остида ишлашини истамоқда.
Агар бельгиялик футболчи 31 март кунги машғулотларда иштирок этмаса, унинг таркибдан четлатилиши ҳақиқатга айланиши мумкин. Шунингдек, футболчига нисбатан жарима қўлланилиши эҳтимоли ҳам борлиги айтилмоқда.
