Англия ва Уругвай терма жамоалари ўртасида ўртоқлик учрашуви бўлиб ўтди. Лондон шаҳридаги «Уэмбли» стадионида кечган баҳсни германиялик ҳакам Свен Яблонски бошқарди. Учрашув 1:1 ҳисобидаги дуранг билан якунланди.

81-дақиқада Англия ҳимоячиси Бен Уайт ҳисобни очди. Учрашувнинг сўнгги дақиқаларида, аниқроғи 90+4-дақиқада Уругвай ярим ҳимоячиси Федерико Вальверде жавоб голини киритиб, жамоасини мағлубиятдан қутқарди.

Ҳар икки жамоа ҳам 2026 йилда АҚШ, Канада ва Мексикада бўлиб ўтадиган жаҳон чемпионатида иштирок этади. Англия L гуруҳида Хорватия, Гана ва Панамага қарши майдонга тушади. Уругвай эса H гуруҳида Испания, Кабо-Верде ва Саудия Арабистони билан баҳс олиб боради.

Ўртоқлик учрашуви
27 март 2026 йил, жума.
Англия — Уругвай - 1:1
Голлар: 1:0 — Уайт (81), 1:1 — Вальверде (90+4)