«Реал»нинг собиқ ярим ҳимоячиси Тони Кроос жамоа футболчиларидан бирини мақтади. Германиялик собиқ юлдузга ярим ҳимоячи Федерико Вальверденинг сўнгги вақтлардаги ўйини манзур бўлмоқда.

«Вальверде майдонда шунчаки учиб юрибди. У ҳозирда ажойиб ўйин кўрсатмоқда. У нафақат юқори маҳоратга, балки тўғри менталитетга ҳам эга бўлган футболчидир», — дея Крооснинг сўзларини келтирмоқда Goal портали.

Сўнгги пайтларда Федерико Вальверде мунтазам равишда гол урмоқда. Жумладан, Чемпионлар лигаси доирасида «Манчестер Сити»га қарши кечган уй учрашувида уругвайлик футболчи хет-трик қайд этишга муваффақ бўлди.

Қўшимча қилиш жоизки, «Реал» айни дамда Ла Лига турнир жадвалида иккинчи ўринни эгаллаб турибди.