«Real»ning sobiq yarim himoyachisi Toni Kroos jamoa futbolchilaridan birini maqtadi. Germaniyalik sobiq yulduzga yarim himoyachi Federiko Valverdening so‘nggi vaqtlardagi o‘yini manzur bo‘lmoqda.

«Valverde maydonda shunchaki uchib yuribdi. U hozirda ajoyib o‘yin ko‘rsatmoqda. U nafaqat yuqori mahoratga, balki to‘g‘ri mentalitetga ham ega bo‘lgan futbolchidir», — deya Kroosning so‘zlarini keltirmoqda Goal portali.

So‘nggi paytlarda Federiko Valverde muntazam ravishda gol urmoqda. Jumladan, Chempionlar ligasi doirasida «Manchester Siti»ga qarshi kechgan uy uchrashuvida urugvaylik futbolchi xet-trik qayd etishga muvaffaq bo‘ldi.

Qo‘shimcha qilish joizki, «Real» ayni damda La Liga turnir jadvalida ikkinchi o‘rinni egallab turibdi.