«Барселона» дарвозабони Жоан Гарсия Испания терма жамоасидаги адаптация жараёни ҳақида гапириб ўтди.
24 ёшли футболчи ҳозирча «қизил фурия» сафида дебют қилмаган бўлса-да, илк бор терма жамоа йиғинига таклиф этилди. Посбоннинг сўзларига кўра, Испания миллий терма жамоасининг ўйин услуби «Барселона»никига ўхшаш, шу сабабли мослашишда муаммолар юзага келмаслиги керак.
«Менимча, ҳужумкор футбол ўйнаш ва ташаббусни ўз қўлига олиш — таркибимиздаги футболчиларни ҳисобга олсак, энг тўғри ёндашувдир. Бу, шунингдек, Испания терма жамоасининг сўнгги йиллардаги ўзига хос услубига ҳам мос келади. Ҳамма, шу жумладан мен ҳам бундай тизимда ўзимни қулай ҳис қилмоқдаман, шу сабабли вазифа анча осонлашади», — дея Гарсиянинг сўзларини келтирмоқда Mundo Deportivo нашри.
