Мадриднинг «Реал» клуби ҳужумкор ярим ҳимоячиси Браим Диас ёзги трансфер ойнасида сотиб юборилиши мумкин.
Журналист Экрем Конурнинг хабар беришича, агар марокашлик футболчи учун 40-45 миллион евро таклиф қилинса, «қироллик клуби» у билан хайрлашишга тайёр. Лондоннинг «Арсенал» клуби аллақачон қизиқиш билдирган ва потенциал келишув тафсилотларини аниқлаштириш учун сўров юборган.
«Канонирлар» қишда ҳам Браим Диасга даъвогарлар қаторида тилга олинган эди. Машҳур Transfermarkt портали экспертлари 26 ёшли футболчининг қийматини 35 миллион еврога баҳоламоқда, унинг «қаймоқранглилар» билан амалдаги шартномаси 2027 йилнинг ўрталаригача мўлжалланган.
