Madridning «Real» klubi hujumkor yarim himoyachisi Braim Dias yozgi transfer oynasida sotib yuborilishi mumkin.

Jurnalist Ekrem Konurning xabar berishicha, agar marokashlik futbolchi uchun 40-45 million yevro taklif qilinsa, «qirollik klubi» u bilan xayrlashishga tayyor. Londonning «Arsenal» klubi allaqachon qiziqish bildirgan va potensial kelishuv tafsilotlarini aniqlashtirish uchun so‘rov yuborgan.

«Kanonirlar» qishda ham Braim Diasga da’vogarlar qatorida tilga olingan edi. Mashhur Transfermarkt portali ekspertlari 26 yoshli futbolchining qiymatini 35 million yevroga baholamoqda, uning «qaymoqranglilar» bilan amaldagi shartnomasi 2027 yilning o‘rtalarigacha mo‘ljallangan.