«Барселона»нинг собиқ ҳужумчиси Луис Суарес ўзининг Chalito ресторанлар тармоғини кенгайтирди. Навбатдаги маскан Испания пойтахтида ўз эшикларини очди.
«Биз Мадриднинг қоқ марказида илк ресторанимизни очдик. Ишониш қийин, деярли 10 йил аввал ҳаммаси Барселонанинг Рамбла кўчасидаги биринчи Chalito билан бошланган эди. Бугун эса худди ўша илк кундагидек ҳаяжонни ҳис қилмоқдамиз. Ушбу йўлда биз билан бирга бўлган барчага раҳмат», — деб ёзди уругвайлик юлдуз ижтимоий тармоқлардаги саҳифасида.
Ҳозирда Луис Суарес «Интер Майами» шарафини ҳимоя қилмоқда, унинг клуб билан шартномаси 2026 йилнинг декабригача мўлжалланган.
