«Барселона» «Интер» марказий ҳимоячиси Алессандро Бастони билан музокаралар олиб бормоқда.
Каталония гранди вакиллари 26 ёшли футболчининг атрофидагилар билан шартнома шартларини муҳокама қилиш учун боғланишди, деб хабар беради нуфузли инсайдер Фабрицио Романо. Қайд этилишича, «кўк-анорранглилар» бу масалага «ўта жиддий» ёндашмоқда.
«Барселона» Бастони бўйича келишувга ўз ҳимоячиси Жерар Мартинни киритиши даргумон, ваҳоланки, миш-мишларга кўра, «нерадзурри» унга даъвогарлик қилмоқда. Ҳозирча «Интер» италиялик футболчининг сотувидан қанча ишлаб олмоқчи эканлиги номаълум, бироқ сўров анча юқори бўлиши кутилмоқда. Transfermarkt порталида футболчининг нархи 70 миллион евро этиб белгиланган.
